Заря над Неманом Идет подписка Что? Где? Когда? Районное радио
70
АктуальноГод малой родиныГод малой родиныНаука и образованиеНаука и образованиеНовости МостовщиныНовости Мостовщины

Вучні Мілявіцкага д/с-СШ прынялі ўдзел у пасадцы лесу

Вучні Мілявіцкага д/с-СШ прынялі ўдзел у пасадцы лесу13 апреля 2019 — 07:15

       Падыхаць вясновым лясным паветрам, зрабіць штосьці карыснае для Радзімы, для людзей, адчуць задавальненне ад фізічнай працы – усё паспыталі падчас пасадкі лесу навучэнцы 9-11 класаў Мілявіцкага дзіцячага сада-сярэдняй школы, калі адправіліся садзіць лес па запрашэнні Курылавіцкага лясніцтва Шчучынскага лясхоза.

      Саджанцы спачатку леснікі змяшчалі ў спецыяльны раствор, потым – у нашы вёдры, і за працу! Рады за радамі – і вялікі ўчастак аказаўся засаджаным бярозамі і хвоямі. Тэхналогію пасадкі мы выконвалі, зямля ў той дзень была мокрая, таму наш лес хутка падымецца. Будзем на ўсё жыццё помніць яго месцазнаходжанне – ля вёскі Родзішкі.

      Працуючы, рабілі невялікія хвілінкі адпачынку, у час якіх гулялі і бегалі, фатаграфаваліся і гутарылі з вучнямі Азёркаўскай школы, якія таксама працавалі побач.

     У час абеду мы частаваліся з сябрамі дамашнім салам, каўбасамі.

     Поруч з намі працавалі і настаўнікі, і леснікі.

     Пасадка лесу аказалася яшчэ карыснай і таму, што, можа здарыцца, хтосьці ў будучым выбера прафесію, звязаную з лясной гаспадаркай.

     Да новых сустрэч, лес!

 

 

Патаповіч Анастасія,

вучаніца 10 класа Мілявіцкага дзіцячага сада-сярэдняй школы



Назад
Идет подписка Что? Где? Когда? Районное радио