Заря над Неманом Идет подписка Что? Где? Когда? Районное радио
АктуальноГод малой родиныГод малой родиныКультура и историяКультураНовости МостовщиныНаш край

Шчадраванне на Стары Новы год

Шчадраванне на Стары Новы год14 января 2020 — 10:42

Весела сустракалі стары Новы год у аграгарадку  Курылавічы. Па вёсцы хадзілі гурты калядоўшчыкаў у карнавальных касцюмах Шчодрыка, Механошы, Казы, Павадыра, Цыганкі. У хатах чуліся песні-шчадроўкі “Шчодры вечар, багаты вечар...”

Галоўная гераіня каляднага гурта Каза весела скакала і весяліла гаспадароў пад песню:

Го-го Каза, го-го шэрая.

Расхадзіся, весяліся,

Гаспадарам у ножанькі пакланіся...

Сваім танцам Каза выганяла з хаты ўсялякае ліха і прываблівала дабрабыт і багацце. Яшчэ адна гераіня каляднага гурта – Цыганка  – варажыла на новае лета, на шчасце, на добры ўраджай, лад і прыбытак у сям’і і гаспадарцы.

Сыпалася на падлогу зерне на дружныя і каласістыя ўсходы на палях, на новы багаты ўраджай жыта, пшаніцы, садавіны і агародніны.

Удзячныя гаспадары адорвалі шчодрыкаў прысмакамі – і гурт з песнямі і пажаданнямі адпраўляўся па новых адрасах аграгарадка Курылавічы віншаваць людзей з Новым годам.

 

Г. САЎЧУК,

загадчык  філіяла  “Курылавіцкі цэнтр  вольнага часу і культуры”                                                    



Назад
Идет подписка Что? Где? Когда? Районное радио