Заря над Неманом Идет подписка Что? Где? Когда? Районное радио
АктуальноГод малой родины3 ліпеня - Дзень Незалежнасці Рэспублікі БеларусьКультура и историяКультураНовости МостовщиныНовости Мостовщины

На галоўнай сцэне ў Мастах – вялікі святочны канцэрт

На галоўнай сцэне ў Мастах – вялікі святочны канцэрт03 июля 2018 — 19:25

Святочны канцэрт калектываў мастацкай самадзейнасці раённага цэнтра культуры меў прыгожую назву “Цвіці мой край пад небам жураўліным”. Менавіта аб сваім краі, роднай старонцы вялі размову са слухачамі вядучыя Дар”я Радкевіч і Максім Хвяшчэнік, прысвечаны ім былі і песні ў выкананні мастоўскіх артыстаў.

 

Першай на сцэну выйшла дзіцячая вакальная група “Фартуна”, якая выканала песню “Беларусь”. Дзяўчынкі спявалі пра нашу родную краіну, і ў кожнага з прысутных узнікала пачуццё гордасці за сваю Радзіму, яе непросты, але шчаслівы  лёс.

 

Народны ансамбль народнай песні “Ярыца” пад кіраўніцтвам Шаміля Тайрава выканаў вядомыя песні са свайго репертуару -- “Вішня” і “Ляціць воран”, якія вельмі падабаюцца  мастаўчанам.

На сцэну выходзіць яшчэ адзін вядомы творчы калектыў – народны мужчынскі хор пад кіраўніцтвам Аляксандра Коцкі. У яго выкананні таксама прагучалі вядомыя і любімыя слухачамі творы “Зямля мая добрая” і песня пра Марусю з кінафільма “Іван Васільевія мяняе прафесію”.

 

Патрыятычныяю песні пра Радзіму, Перамогу, родную старонку выканаў народны хор ветеранаў, пад кіраўніцтвам Ірыны Содаль. Выступленні гэтага калектыву таксама вельмі падабаюцца мастаўчанам. У яго рэпертуары многа выдатных песень, якім хор надаў адметнае гучанне.

 

Многа было індывідуальных выканаўцаў, якія на свяце выступілі са сваімі лепшымі песнямі. Напэўна, кранулі ўсіх за душу песні ў выкананні Аляксандра Вітовіча, Марыі Вебер, Ірыны Емілоўскай, Генадзя Рагацэвіча, Ганны Рымко, Дар”і Карабко, Надзеі Варабей, Галіны Урбановіч, Вольгі Ненадовіч, Лізаветы Пасталакі і многіх іншых. Гледачы апладысментамі таксама падтрымалі выступленне дуэтаў у складзе Юлі Каранеўскай і Ірыны Сідар, а таксама Вольгі Мелех і Ірыны Сідар. Усе выконваемыя творы насілі патрыятычны накірунак, расказавалі аб розных эпізодах са слаўнай гісторыі нашай краіны, якая прайшла няпросты шлях да сваёй незалежнасці.

С.ЗВЯРОВІЧ

Фота аўтара




Назад

Написать комментарий


Ваше имя: Email: Ваш комментарий:
Идет подписка Что? Где? Когда? Районное радио