Заря над Неманом Идет подписка Что? Где? Когда? Районное радио
АктуальноГод малой родиныГод малой родиныГод исторической памятиКультура

Гудзевіцкі музей запрасіў на летнюю школу ткацтва

Гудзевіцкі музей запрасіў на летнюю школу ткацтва08 июня 2018 — 17:06

Ужо на працягу чатырох гадоў, як толькі завяршаецца вучоба ў агульнаадукацыйных школах, у Гудзевіцкім літатурна-краязнаўчым музеі свае дзверы гасцінна адчыняе летняя школа “Майстэрня падвойнага ткацтва”.

 

Майстроў і прыхільнікаў аднаго з самых прыгожых і адначасова складаных народных рамёстваў, што прыехалі ў Гудзевічы з Гродна, Ліды і нават Брэсцкай вобласці, прывітала загадчыца сектара культуры Мастоўскага райвыканкама Анастасія Валер’еўна Палуйчык. Яна падзякавала за захаванне і папулярызацыю ткацкага майстэрства, пажадала плёну школе-майстэрні і выказала пажаданне больш актыўна далучаць да гэтай навукі падрастаючае пакаленне.

 

Дарэчы, як адзначыла майстар па ткацтву Яўгенія Валер’еўна Станіна, адна з праблем у справе захавання ткацкага майстэрства заключаецца  менавіта ў тым, што людзей, носьбітаў ткацкіх традыцый, з кожным годам становіцца ўсё менш. У гэтым сэнсе пашанцавала Лідскаму раённаму цэнтру рамёстваў і культуры, дзе справу сваёй бабулі працягвае майстар Яўген Маркевіч. Змястоўная відэапрэзентацыя аб элеменце нематэрыяльнай культурнай спадчыны “Традыцыйнае белаўзорыстае ткацтва Панямоння” была цікавай нават тым, хто ніколі не сядзеў за ткацкім станком. А вось на практыцы авалодаць прыёмамі гэтай тэхнікі, сакрэтамі якой падзялілася Валянціна Генрыкаўна Сільвановіч з Ліды, аказалася справай насампрэч складанай.

 

Падчас работы школы-майстэрні яе ўдзельнікі мелі магчымасць не толькі падзяліцца вопытам, але і абмеркаваць хвалюючыя моманты. Напрыклад, вырашыць праблему з набыццём абсталявання і матэрылаў для работы, як падказала Яўгенія Станіна, можна праз галерэю “Ткалля”.

Свой вопыт выкладання падвойнага ткацтва ў народнай студыі “Суквецце талентаў” прадставіла кіраўнік майстэрні “Ткацтва” Гродзенскага дзяржаўнага абсланога палаца творчасці дзяцей і моладзі Марыя Аляксандраўна Камінская. А вось майстры народных промыслаў Ганцавіцкага раённага дома рамёстваў Алена Мікалаеўна Цялушка і Таццяна Сцяпанаўна Зялёнка прыехалі ў Гудзевічы менавіта з мэтай навучыцца падвойнаму ткацтву.

 

-- Нашы інтарэсы супалі, -- адзначаюць майстрыхі, на хвіліну адводзячы позірк ад кроснаў.  – У Гудзевічы мы прыязджаем ужо другі раз. Гэта цудоўная магчымасць атрымаць як тэарэтычныя звесткі, так і практычныя навыкі ткацкага майстэрства, сустрэцца з аднадумцамі, адкрыць нешта новае.

Да слова, новае ўдзельнікі сёлетняй школы-майстэрні адкрылі не толькі ў ткацкіх тэхніках, але і ў народных танцах. Разам з работнікамі музея і мясцовага цэнтра вольнага часу і культуры пад гармонік яны станцавалі польку, кадрыль, кракавяк і іншыя танцы.

 

Н.ШЭЎЧЫК

 

Фота аўтара


Перепечатка материалов допускается с письменного разрешения «учреждение «Редакция газеты «Зара над Нёманам».


Назад
Идет подписка Что? Где? Когда? Районное радио