Заря над Неманом Идет подписка Что? Где? Когда? Районное радио
АктуальноУрожай-2017Урожай-2017

“Зробім, хлопцы, работу, як належыць, як трэба...”

“Зробім, хлопцы, работу, як належыць, як трэба...”06 июня 2012 — 10:00

Уладзімір Жогла, Анатолій Гойла і Леанід Пяцюшык  зараз працуюць на назапашванні кармоў для грамадскага статка. А ў час веснавых палявых работ першы быў заняты на раскідванні арганічных угнаенняў, другі грузіў гэтыя ўгнаенні ў пагрузчыкі гноераскідвальнікаў, трэці садзіў бульбу.  Усе трое ў сваёй гаспадарцы лічацца механізатарамі працавітымі і добрасумленнымі. Сваю працавітасць усе трое яшчэ раз па-цвердзілі ў час веснавых палявых работ. Калі ў райсельгасхарчы і райкаме галіновага прафсаюза падвялі вынікі работы механізатараў Мастоўшчыны на  веснавым палетку, аказалася, што Анатолій Гойла больш за сваіх калег пагрузіў арганічных угнаенняў -- 29 771 тону, Уладзімір Жогла больш за іншых сваіх калег  у раёне раскідаў мясцовых угнаенняў -- на плошчы 11 037 гектараў выканаў ён гэтую работу, а Леанід Пяцюшык пасадзіў 106 гектараў бульбы. Гэта таксама лепшы паказчык у раёне.

Механізатар філіяла «Дубна» ААТ «Агракамбінат «Скідзельскі» Святаслаў Гроншка вясной сеяў яравыя збожжавыя. І таксама вызначыўся на гэтай рабоце -- трактарам «Джон Дзір» і сеялкай «Амазоне» пасеяў 922 гектары веснавога палетка. Гэта таксама лепшы паказчык у раёне сярод тых, хто быў заняты на сяўбе яравых збожжавых.

Усім гэтым механізатарам старшыня райкама прафсаюза работнікаў АПК П. І. Булак, як і прадугледжвалася ўмовамі працоўнага саперніцтва, па выніках веснавых палявых работ уручыў грашовыя прэміі.

Варта дадаць, што ў абедзвюх гаспадарках сказалі, што і зараз гэтыя працавітыя механізатары з такім жа энту-зіязмам займаюцца на назапашванні кармоў. 

М. ПАВЯДАЙКА

На здымку: старшыня райкама прафсаюза работнікаў АПК Павел Іванавіч БУЛАК уручае грашовую прэмію механізатару філіяла «Дубна» ААТ «Агракамбінат «Скідзельскі» Святаславу ГРОНШКУ.Фота аўтара



Назад

Написать комментарий


Ваше имя: Email: Ваш комментарий: