Заря над Неманом Идет подписка Что? Где? Когда? Районное радио
АктуальноНаука и образованиеНаука и образование

Заўсёды сярод дзяцей

Заўсёды сярод дзяцей05 октября 2015 — 10:00

 Усё пачынаецца са школы, а ў школе ўсё пачынаецца з настаўніка. Першыя крокі па вялікай краіне школьных ведаў навучэнцы робяць пад кіраўніцтвам першай настаўніцы. У ДУА “Лунненская сярэдняя школа імя Героя Савецкага Саюза Івана Шарамета” працуюць творчыя і ініцыятыўныя настаўнікі пачатковых класаў, сярод іх Наталля Анатольеўна  Буркас  і  Ірына Мікалаеўна Бачарова (на здымку злева направа).

Ірына Мікалаеўна і Наталля Анатольеўна пастаянна знаходзяцца ў творчым пошуку. Вядома, калі педагог захоплены сваёй справай, то ён абавязкова знойдзе, як захапіць ёю сваіх выхаванцаў. У іх метадычнай скарбонцы ўжо шмат напрацовак, але кожны раз нараджаюцца новыя задумкі, узнікаюць яркія ідэі.  Прыкладам крэатыўнасці і адказнасці з’яўляецца ўдзел педагогаў у інавацыйнай дзейнасці. У ходзе рэалізацыі інавацыйнага праекта “Укараненне мадэлі сістэмна­модульнага забеспячэння прафарыентацыйнага кампанента сучаснага адукацыйнага асяроддзя” І.М. Бачаровай і Н.А. Буркас падрыхтавана праграма і створаны электронны вучэбны дапаможнік па факультатыўным занятку “Падарожжа па краіне Геаметрыя”. Электронны дапаможнік настаўнікі прадставілі на рэспубліканскі конкурс “Камп’ютар. Адукацыя. Інтэрнэт” і атрымалі дыплом І ступені.

Фарміраванне асобы школьніка напрамую залежыць ад арганізацыі яго самастойнай дзейнасці, развіцця ініцыятывы і творчасці, заахвочвання пазнавальнай цікавасці да прадмета. Менавіта гэтыя складальнікі і сталі прыярытэтным накірункам у дзейнасці настаўнікаў пачатковых класаў. Малодшыя школьнікі надзвычай дапытлівыя, непасрэдныя, хутка ўбіраюць у сябе ўсё новае, цікавае.

Сваю работу Ірына Мікалаеўна і Наталля Анатольеўна будуюць з улікам асобы дзіцяці, яго патэнцыялу і магчымасцей, стараючыся захоўваць гармонію ў развіцці яго эмоцый і інтэлекту. Галоўнай задачай у працэсе навучання лічаць выпрацоўку станоўчых эмоцый, каб ніхто з вучняў не адчуваў сябе абдзеленым увагай.

 Вопытам сваёй дзейнасці настаўнікі з задавальненнем дзеляцца з калегамі:  з’яўляюцца актыўнымі ўдзельнікамі раённых і абласных семінараў, выступаюць перад настаўнікамі пачатковых класаў у Гродзенскім ІРА, удзельнічаюць у выставах педагагічнага майстэрства.

Шмат зроблена і многа задумана Ірынай Мікалаеўнай і Наталляй Анатольеўнай. Напера­дзе – дасягненне новых вяршынь педагагічнага майстэрства.

Падрыхтаваў да друкуС. ЗВЯРОВІЧ



Назад

Написать комментарий


Ваше имя: Email: Ваш комментарий: