Народны хор ветэранаў працы “Надзея” і мужчынскі народны хор адзначаны дыпломамі ўпраўлення культуры аблвыканкама і каштоўнымі падарункамі на абласным фестывалі “ Не старэюць душой ветэраны”, які праходзіў у Ваўкавыску, за духоўнае і патрыятычнае выхаванне моладзі, прапаганду песні і актыўны ўдзел у культурным жыцці вобласці. Гэтай прыемнай навінай падзялілася кіраўнік хора “Надзея” Ірына Содаль.
Абодва аматарскія калектывы выступілі выдатна, пацвердзіўшы ў чарговы раз ганаровае званне “Народны аматарскі калектыў”. У рэпертуары калектываў на гэты раз былі беларускія народныя песні і творы беларускіх кампазітараў. Паспяхова выступілі на фестывалі салісты хора “Надзея” Ганна Рымко і Анатоль Астапенка.
А. БЫЛІНСКАЯ
Перепечатка материалов допускается с письменного разрешения «учреждение «Редакция газеты «Зара над Нёманам».
Назад