Як павадзіўся журавель да нашых канапель…

Актывізаваць веды дзяцей аб беларускіх народных казках, замацаваць уменне пазнаваць казку па ўрыўку, па ілюстрацыі, уменне разгадваць загадкі, творчасць пры драматызацыі знаёмых беларускіх казак, развіваць цікавасць і любоў да казак, развіваць слыхавую памяць, лагічнае мысленне, мову, уменне абагульняць, аналізаваць, удасканальваць навыкі супрацоўніцтва пры працы ў камандзе, развіваць камандны дух, уменне дзейнічаць узгоднена, ствараць у дзяцей радасны, эмацыянальны настрой, выхоўваць любоў да беларускай літаратуры – вось гэта і з’явілася самай прывабнай карцінай пачатку летняга перыяду ў жыцці выхаванцаў Дубненскага дзіцячага сада.

Кіраўнік фізічнага выхавання Дзядолка Вера Мікалаеўна, як і другія педагогі дашкольнай установы, многа часу надае працы з выхаванцамі старэйшага ўзросту, падрыхтоўцы іх да школы, камунікацыйнай адаптацыі ў сацыяльным асяроддзі.

Загадкі, складанне казкі па карцінках, беларуская народная гульня “Журавель”, спартыўныя эстафеты склалі  прывабны маршрутны ліст для ўдзельнікаў квэст-гульні  “Падарожжа ў краіну казак” і і запрасілі дзяцей на родныя станцыі для самастойнага пошуку адказаў на інтэлектуальныя заданні. Летняе ранішняе сонейка, падтрымка выхавальнікаў і педагога-псіхолага спрыялі вясёламу настрою і актыўнаму ўдзелу ўсіх выхаванцаў у падарожжы. Самыя смелыя, руплівыя і бадзёрыя разгадвалі казкі, называлі іх па ўрыўку і збіралі зярняткі з чароўнага пшанічнага каласка, каб атрымаць перамогу і завяршыць мерапрыемства.

Падарожжа ў госці да казак дапамагло дзецям трапіць у чароўны свет, дзе адбываюцца цуды, дзе дабро заўсёды перамагае зло і паказвае правільны напрамак у цёплае лета і шчаслівае дзяцінства....

Ядвіга Каліневіч,

педагог-псіхолаг ДУА “Дубненскі дзіцячы сад”  

Перепечатка материалов допускается с письменного разрешения «учреждение «Редакция газеты «Зара над Нёманам».