Заря над Неманом Идет подписка Что? Где? Когда? Районное радио
АктуальноРекламаНам только 75

Віншаванне міністра інфармацыі - калектыву раённай газеты "Зара над Нёманам"!

Віншаванне міністра інфармацыі - калектыву раённай газеты 'Зара над Нёманам'!08 января 2020 — 14:15

Паважаныя калегі, шаноўныя ветэраны журналістыкі!

Віншую калектыў рэдакцыі, а таксама заслужаных ветэранаў журналістыкі з 75-годдзем з дня выхаду першага нумара выдання.

Ваша газета ўбачыла свет у першыя дні пераможнага 1945 года. Пасля выгнання фашысцкіх акупантаў і ў цяжкі пасляваенны час яна называлася “Путь Победы”, са студзеня 1965 года – “Зара над Нёманам” (таксама юбілейная дата). І гэта вельмі сімвалічныя назвы. Разам з землякамі газета прайшла слаўны працоўны шлях, асвятляючы на сваіх старонках росквіт Нёманшчыны, мае слаўную гісторыю, традыцыі, свой стыль.

На яе старонках заўсёды ўзнімаліся найбольш вострыя праблемы і актуальныя тэмы, што хвалююць мастаўчан. Нездарма ў газеты дзесяткі пазаштатных аўтараў, добрая сувязь з чытачамі. Дзякуючы сумеснай творчасці выданне з кожным годам становіцца ўсё больш жывым і цікавым.

Праблемы эканомікі, павышэння эфектыўнасці вытворчасці, адукацыі, аховы здароўя, патрыятычнага выхавання, папулярызацыя сямейных каштоўнасцей, беражлівых адносін да зямлі разглядаюцца ўдумліва, з любоўю да роднага краю, яго жыхароў.

Сённяшняя “Зара над Нёманам” – карыснае і змястоўнае мясцовае выданне. Нездарма ў госці да любімай газеты – на старонкі кожнага нумара, праз сайт і сацыяльныя сеткі – заходзяць амаль восем тысяч прыхільнікаў.

Дзякуй вам за нястомную працу, за праўдзівае і своечасовае асвятленне жыцця рэгіёна, суайчыннікаў. Упэўнены, што і надалей вы будзеце разам ісці ў нагу з часам, застаючыся патрыётамі сваёй малой радзімы, нашай Айчыны.

Жадаю вам новых творчых дасягненняў, добрага здароўя, дабрабыту, нязменнай адданасці чытачоў.

Аляксандр Карлюкевіч

1 студзеня 2020 года


Перепечатка материалов допускается с письменного разрешения «учреждение «Редакция газеты «Зара над Нёманам».


Назад
Идет подписка Что? Где? Когда? Районное радио