Заря над Неманом Идет подписка Что? Где? Когда? Районное радио
АктуальноСоциумЖизнь

ВАНДРОЎКА ў дзяцінства

ВАНДРОЎКА ў дзяцінства02 июля 2016 — 10:00

 “Вось яно якое наша лета ...” – весела распявала дзетвара аграгарадка Курылавічы вясёлай кампаніяй, ідучы на свята дзяцінства ў Курылавіцкі цэнтр вольнага часу і культуры. Тут як заўсёды 1 чэрвеня ладзілася свята “Прывітанне, Лета!”

У гэтым годзе свята распачалося плэнерам перад цэнтрам культуры конкурсам малюнкаў на асфальце “Фарбы Лета”, а ў памяшканні размясцілася выстава малюнкаў юных мастакоў “Прывітанне, Лета!”

Гучаць пазыўныя песні аб леце, і казачны дамавічок Кузя запрашае ўсіх на тэатралізаванае прадстаўленне “Прыгоды дамавічка Кузі”, дзе дзеці разам з героем трапляюць у краіну казак, а ўсялякія перашкоды ім ладзяць Бармалей і злая фея Цемра. Нарэшце ўсё заканчваецца добра, і дзеці разам з героямі адпраўляюцца на пляцоўку на гульнёвую праграму “Дзяцінству сонца падаруйце”. І тут пачаліся гульні, скокі, і зноў завадатарамі былі дамавічок Кузя, Бармалей і Фея Цемра. З гэтымі ролямі выдатна справіліся ўдзельнікі тэатральнага гуртка “Крыніца” Насця Зуева, Карына Сліж і Сяргей Рахунак.

У вандроўку на “Кніжны востраў у моры вольнага часу” усіх запрасіла бібліятэкар інтэгрыраванай бібліятэкі Алена Іванаўна Яўсейчык. Яна прапанавала хлопчыкам і дзяўчынкам віктарыну “У гасцях ў літаратурных герояў”.

Свае мары аб вялікай сцэне ў гэты святочны дзень здзейснілі юныя выканаўцы песень: Максім і Аляксандр Цярэшка, Алег Баран, Ягор Зуеў, Вікторыя і Кацярына Мілюк, Вікторыя Качук, Вера Нікіціч.

Самыя маленькія ўдзельнікі свята ­­ Дзіма Дзянішчык, Цімафей Скіба, Матвей Прэдка ­­ прыйшлі са сваімі мамамі.

Мама маленькага Дзімы Лілія Сяргееўна Дзянішчык сама некалькі гадоў назад вяла праграмы і ўдзельнічала ў свяце дзяцінства Курылавіцкага цэнтра вольнага часу і культуры, а цяпер асвойвала новы статуc мамы юнага ўдзельніка свята.

Маленькі Цімафей выявіў здольнасці да малявання на асфальце, чым уразіў і здзівіў сваю маму. “Што ж, прыйдзецца купляць каляровую крэйду”, – сказала яна, гледзячы на юнага “графіці”.

І хоць свята скончылася і ўсе пакідалі Цэнтр вольнага часу і культуры задаволеныя і радасныя, нам хочацца сказаць: “Лета не скончылася, яно толькі пачынаецца, і наперадзе яшчэ вас чакае шмат цікавага і пазнавальнага”.

 Г. САЎЧУК,загадчыца Курылавіцкага цэнтра вольнага часу і культуры



Назад

Написать комментарий


Ваше имя: Email: Ваш комментарий: