13 июня 2012 — 10:00
У цэнтральнай раённай бібліятэцы прайшоў Дзень падпісчыка
На гэты раз журналісты раённай газеты “Зара над Нёманам” прыйшлі ў бібліятэку не задаваць пытанні, а пагутарыць аб раёнцы, яе перспектывах і недахопах, расказаць пра свае творчыя задумкі і знаходкі, пачуць крытыку ад сваіх пастаянных чытачоў. Бо добрая, канструктыўная крытыка прымушае рухацца наперад, шукаць цікавыя тэмы і кампетэнтных суразмоўцаў, не дазваляе расслабіцца.
-- Я заўсёды пачынаю знаёміцца з перыёдыкай з “Зары над Нёманам”, — падзялілася думкамі дырэктар ЦБС Таццяна Уладзіміраўна Валчкевіч. – З раёнкі даведваюся і пра навіны Мастоўскага раёна, і пра цікавых лю-дзей, што жывуць і працуюць побач. Падабаецца чытаць публікацыі на маральна-этычныя тэмы. У нашым калектыве вы маеце падтрымку, бо “Зару” выпісваюць, яе чытаюць, яе рэкамендуюць наведвальнікам бібліятэкі.
— Моладзь, што працуе ў рэдакцыі, дае добры, свежы імпульс выданню, —заўважыла загадчыца аддзела маркетынгу Надзея Дзянісаўна Нава-гродская. – Трэба толькі не спыняцца на дасягнутым, ісці далей, не баяцца новага. Я, напрыклад, сама аднойчы скарысталася рэцэптам салаты, што быў надрукаваны ў газеце. Смачная атрымалася салата, скажу я вам. Так што не бойцеся – шукайце, дзейнічайце. Чытачы вас падтрымаюць.
А вось мастак-афарміцель Галіна Іосіфаўна Васілеўская выказала такую прапанову: — Чаму б раз у паўгода ў газеце не выпускаць “Літаратурную старонку”. Я сама пішу вершы, ведаю шмат теланавітых людзей і хацелася б, каб пра іх ведалі і астатнія мастаўчане.
А ўвогуле, сустрэча ў раённай бібліятэцы атрымалася змястоўнай, цёплай і цікавай. Прынамсі, для нас, журналістаў. Упэўнены, што і для нашых суразмоўцаў таксама.
Н. ШЭЎЧЫКНа здымку: журналісты разам з работнікамі бібліятэкі ў час правя-дзення Дня падпісыка.Фота М. ПАВЯДАЙКІ
Перепечатка материалов допускается с письменного разрешения «учреждение «Редакция газеты «Зара над Нёманам».
Назад