17 марта 2014 — 10:00
На гэтым тыдні веснавую сяўбу пачалі ў філіяле «Дубна», кааператыве “Азяранскі” і сельгаспрадпрыемстве “Мастаўчанка”. Усяго засеяна ў раёне каля сотні гектараў. У чацвер на вялікім полі за вёскай Сухінічы механізатары філіяла Дубна” Аляксандр Аляксандравіч Муха і Святаслаў Рышардавіч Гроншка (на здымку злева направа) сваімі “Джон-Дзірамі” з сеялкамі “Амазоне” засеялі першыя гектары аўса. На гэтым жа полі мы ўбачылі яшчэ каля дзесятка трактароў і грузавых аўтамашын.
-- Нягледзячы на тое, што вясна ў гэтым годзе ранняя, усе работы імкнемся правесці ў сціслыя тэрміны, -- адзначыў аграном аддзялення Віталь Міхайлавіч Мінько.—Старанна працуюць на выраўніванні глебы механізатары Дзмітрый Самсонік, Сяргей Даранчук, на дзіскаванні, задзелцы барознаў Анатоль Біліда, унясенні ўгнаенняў Дзмітрый Раманчук, своечасова падвозяць мінеральныя угнаенні вадзіцелі Пётр Салей, Александр Ківейша,Уладзімір Шывілька.
Работа ў дубненцаў спорыцца.Больш як па 1600 гектараў яравых зерневых культур, уключаючы кукурузу і грэчку, збіраюцца пасеяць ў кааператывах “Азяранскі”, імя Адама Міцкевіча, таварыстве “Гудзевічы”, больш як 1700 – у таварыстве “Чарлёна”.
С.ЗВЯРОВІЧ
Перепечатка материалов допускается с письменного разрешения «учреждение «Редакция газеты «Зара над Нёманам».
Назад