17 октября 2019 — 08:20
У свеце няма больш прыгажэйшага і больш пяшчотнага слова, як “мама”. На якой бы мове людзі ні вымаўлялі гэтае слова – яно гучыць меладычна і прыгожа.
У нашай установе адукацыі з 7 па 14 кастрычніка 2019 года праходзіў Тыдзень маці. Гэтае свята адказвае лепшым традыцыям адносін беларусаў да мацярынства, з’яўляецца данінай глыбокай павагі і пакланення перад жанчынай- маці, працаўніцай і захавальніцай сямейнага ачага.
Навучэнцы 1-4 класаў прынялі ўдзел у конкурсе малюнкаў “Мая мама самая лепшая”, навучэнцы 5-11 класаў пісалі сачыненне “ Ад чыстага сэрца простымі словамі”. Усе вучні ўдзельнічалі ў нон-стоп майстэрні: “ Сувенір для мамы”- малодшыя школьнікі, вучні старэўшых класаў - “Букет для мамы”. Ва ўсіх класах праведзены тэматычныя і інфармацыйныя класныя гадзіны “Мама - ты адна такая любімая і родная”, дзе праслаўляліся сямейныя каштоўнасці, выхоўвалася паважлівае станаўленне да жанчыны і маці.
На працягу тыдня навучэнцы школы з вялікай адказнасцю і хваляваннем рыхтаваліся да святочнай канцэртнай праграмы “ Няхай заўжды будзе мама”.
І вось наступіў самы адказны дзень -14 кастрычніка. У зале панавала святочная атмасфера. Адзін за адным на сцэну выходзілі юныя таленты.Удзельнікі святочнага канцэрта спявалі песні, чыталі вершы, танцавалі, і ўсё гэта прысвячалася любімым матулям і бабулям. Мамы з захапленнм назіралі за выступленнямі сваіх дзяцей і ад душы радаваліся. Са слязамі на вачах глядзелі відэафільм, прысвечаны жанчынам-маці, якія страцілі сваіх дзяцей у гады Вялікай Айчыннай вайне, а таксама прэзентацыю “Нашы мамы”.
У свяце прыняў удзел настаяцель Дзярэчынскай царквы айцец Мікалай. Ён расказаў гісторыю свята, павіншаваў усіх прысутных жанчын з Днём маці. У канцы мерапрыемства навучэнцы ўручылі мамам і бабулям падарункі, вырабленыя сваімі рукамі.
Гардзейка І.У.,
педагог сацыяльны
ДУА”Мілявіцкі вучэбна-педагагічны
комплекс дзіцячы сад –
сярэдняя школа”
Перепечатка материалов допускается с письменного разрешения «учреждение «Редакция газеты «Зара над Нёманам».
Назад