07 апреля 2014 — 10:00
«Не я б’ю, вярба б’е» -- пад такой назвай у раённым цэнтры рамёстваў арганізавана выстаўка - продаж святочных упрыгожаных вербаў.
На гэты раз Вербная нядзеля ў праваслаўных і католікаў супадае і святкуецца 16 сакавіка, таму вербаў для наступнага асвячэння ў царкве ці касцёле па-трабуецца многа. У мінулым годзе ў цэнтры рамёстваў іх было прададзена больш за сотню.
Зараз упрыгожваннем вясновых дрэўцаў займаюцца работнікі цэнтра Жанна Новік, Юлія Карповіч, Таццяна Вангул і Вольга Альховік. Для ўпрыгожвання вербаў майстрыхі выкарыстоўваюць толькі натуральныя засушаныя кветкі і расліны, як гэта рабілі раней нашы продкі .
Цана ўпрыгожанай вярбы вагаецца ад 30 да 70 тысяч рублёў.
—У гэтым годзе ўпершыню мы адпраўляем упрыгожаныя вербы ў Мінск па заказу этнакрамы “Рагна”. Спадзяемся, што нашы дрэўцы прыйдуцца даспадобы і жыхарам сталіцы, — мяркуе дырэктар раённага цэнтра рамёстваў Жанна Лявонцьеўна Новік.
Я. ЛАГАЦКАЯ
Перепечатка материалов допускается с письменного разрешения «учреждение «Редакция газеты «Зара над Нёманам».
Назад