14 ноября 2011 — 10:00
Сярод 434 аўтамабіляў, якія на працягу кастрычніка бягучага года праходзілі дзяржаўны тэхагляд на Мастоўскай станцыі дыягностыкі, спраўнымі аказаліся 88 працэнтаў. Найбольш распаўсюджаныя непаладкі выяўляліся ў тармазной сістэме, рэгуліроўцы святла фар. Знешні выгляд аўтамабіля таксама нярэдка пакідае жадаць лепшага з-за вялікай колькасці іржы. Перашкодай для праходжання тэхнічнага агляду можа з”явіцца і так званая дробязь: забытая дома аптэчка. Гэта называецца няпоўнай камплектацыяй аўтамабіля.
Па словах начальніка станцыі дыягностыкі Юрыя Уладзіміравіча Печаня, прапускная магчымасць станцыі ў дзень -- каля 30 аўтамабіляў. Бесперапыннасць гэтага працэсу забяспечваюць інжынеры-дыягносты Ігар Іванавіч Дамастой і Міхаіл Уладзіміравіч Мандзік.
Калі з першага разу прайсці тэхагляд не ўдаецца, гэта можна зрабіць паўторна, ужо без чаргі, але папярэдне ўзгадніўшы з работнікамі станцыі тэх-агляду па тэлефоне ці асабіста.
Як расказалі работнікі станцыі, за шэсць гадоў існавання пра яе даведа-ліся многія аўтаўладальнікі. Сюды прыязджаюць на тэхагляд нават з суседніх раёнаў.
А. ШВЯДКО
Перепечатка материалов допускается с письменного разрешения «учреждение «Редакция газеты «Зара над Нёманам».
Назад