Заря над Неманом Идет подписка Что? Где? Когда? Районное радио
АктуальноОфициально

Дзятлаўшчыну з рабочым візітам наведаў намеснік прэм’ер-міністра Рэспублікі Беларусь Анатоль Калінін

Дзятлаўшчыну з рабочым візітам наведаў намеснік прэм’ер-міністра Рэспублікі Беларусь Анатоль Калінін17 сентября 2017 — 17:29
16 верасня з рабочым візітам Дзятлаўшчыну наведаў намеснік прэм’ер-міністра Рэспублікі Беларусь Анатоль Калінін. Яго суправаджаў намеснік старшыні Гродзенскага аблвыканкама Уладзімір Дзяшко.
 
Анатоля Калініна цікавіла эфектыўнасць работы мясцовай ЖКГ. Начальнік упраўлення жыллёва-камунальнай гаспадаркі Гродзенскага аблвыканкама Алег Шафранскі далажыў намесніку прэм’ер-міністра пра ход падрыхтоўкі арганізацый ЖКГ Гродзенскай вобласці да абагравальнага сезона 2017/2018 гадоў: у прыватнасці, атрыманне пашпартоў гатоўнасці цеплакрыніц, стварэнне запасаў драўнянага паліва, а таксама зрабіў параўнальны аналіз перакладкі цеплавых сетак.
 
Віцэ-прэм’ер азнаёміўся з работай кацельні “Цэнтральная” ў Дзятлаве, якая з 2007 года працуе на мясцовым паліве і забяспечвае гарачай вадой і цяплом жылыя дамы горада і аб’екты сацыяльнай сферы.
 
Анатоль Калінін цікавіўся , наколькі эфектыўна працуе кацельня на шчапе і як можна зменшыць выдаткі, якія ў раёне ёсць праблемы па падрыхтоўцы цеплавых сетак і абсталявання да ацяпляльнага сезона. Тлумачэнні давалі старшыня Дзятлаўскага райвыканкама Аляксандр Дубовік, намеснік старшыні райвыканкама Юрый Залеўскі, дырэктар Дзятлаўскага РУП ЖКГ Сяргей Луня.
 
IMG_7707.jpgIMG_7751.jpg
 
Асаблівую ўвагу віцэ-прэм’ер звярнуў на падрыхтоўку жылога сектара да халадоў.
 
— Менавіта па тым, наколькі якасна насельніцтва раёна забяспечана камунальнымі паслугамі, людзі пераважна і ацэньваюць эфектыўнасць работы і камунальнай службы, і мясцовай улады ўвогуле, — падкрэсліў Анатоль Калінін.
 
IMG_7748.jpg
 
І тут жа прапанаваў на базе жылкамунгаса Дзятлаўскага раёна, які, як адзначыў віцэ-прэм’ер, ужо блізка падышоў да высокага ўзроўню тэхналагічных працэсаў у камунальнай гаспадарцы, адпрацаваць дасканалую сістэму забеспячэння спажыўцоў камунальнымі паслугамі на самым высокім узроўні, зрабіць дзятлаўскія напрацоўкі ўзорам для ЖКГ іншых раённых цэнтраў вобласці.
 
IMG_7725.jpgIMG_7768.jpgIMG_7774.jpgIMG_7785.jpgIMG_7794.jpg
 
Дзятлаўская газета "Перамога"

Перепечатка материалов допускается с письменного разрешения «учреждение «Редакция газеты «Зара над Нёманам».


Назад
Идет подписка Что? Где? Когда? Районное радио