09 сентября 2013 — 10:00
Пабываць у рэдакцыі раённай газеты “Зара над Нёманам”, пазнаёміцца з работай журналістаў і даведацца, як жа ствараецца газета – такую мэту ставілі перад сабой гэтыя юныя мастаўчане, якіх вы бачыце на здымку. І ні школьныя канікулы, ні летні дожджык, што напаткаў іх па дарозе ў рэдакцыю, не сталі перашкодай у яе дасягненні.
Рабяты наведваюць гурток “Юны журналіст” пры раённым цэнтры творчасці дзяцей і моладзі. Нават летам тут праходзілі заняткі, адзін з якіх і быў прысвечаны раёнцы. Хлопчыкі і дзяўчынкі ў гуртку ўсе творчыя, цікаўныя, дапытлівыя. Іх цікавіла гісторыя раённай газеты, этапы падрыхтоўкі матэрыялаў да друку, асаблівасці журналісцкай прафесіі. Асаблівую цікавасць выклікаў працэс вёрсткі газеты.
Нашы юныя наведвальнікі з ахвотай пыталіся і адказвалі на пытанні супрацоўнікаў рэдакцыі, а ў канцы размовы канстатавалі: “Цяпер мы ведаем, як ствараецца “Зара”. Большасць рабят маюць магчымасць знаёміцца з рёнкай дома, бо іх бацькі пастаянныя падпісчыкі нашага выдання. Знаёмства з рэдакцыяй завяршылася для рабят невялікай фотасесіяй.
Н.БЯЙДУКФота С. МАСТОВІЧА
Перепечатка материалов допускается с письменного разрешения «учреждение «Редакция газеты «Зара над Нёманам».
Назад