Цёплае і сардэчнае свята

Сярод шматлікіх святаў у нашай краіне Дзень маці займае асаблівае месца. Штогод ён адзначаецца 14 кастрычніка. У гэты дзень гучаць словы падзякі ўсім матулям.

У  нашай установе адукацыі навучэнцы таксама любяць віншаваць сваіх мам, рыхтуюць для іх канцэрты і падарункі.

Актыўнымі ўдзельнікамі  Тыдня маці сталі навучэнцы пачатковых класаў, дзякуючы якім быў арганізаваны паядынак фантазёраў "Падарунак маме". У гэтым паядынку дзеці праявілі творчыя здольнасці і крэатыўна аформілі фотаздымкі  сваёй матулі.  Была арганізавана работа творчай майстэрні,  дзе навучэнцы  афармлялі паштоўкі, буклеты, вырабы.

Цікавай і займальнай была акцыя “Мы славім жанчыну - маці”. На працягу тыдня члены ГА “ БРСМ” і “ БРПА”  рыхтаваліся да святочнай праграмы:  падбіралі песні, вучылі вершы.

Навучэнцы 1-5 класаў прынялі ўдзел у конкурсе малюнкаў «Я люблю сваю матулю ». Малюнкі яны падарылі  сваім мамам  на святочным канцэрце.

Запамінальнай для дзяцей стала акцыя “Дом без адзіноты” (наведванне і віншаванне ветэранаў-жанчын з Днём маці ), у якой прынялі ўдзел усе жадаючыя.  Вучні школы з вялікім задавальненнем віншавалі ветэранаў-жанчын.

Самымі актыўнымі ўдзельнікамі Рэспубліканскай прафсаюзнай акцыі «Павіншуем маму разам» сталі навучэнцы 4  класа, якія падарылі матулям яркія паштоўкі.

Напрыканцы Тыдня маці прайшоў канцэрт «Ты маё сэрца», які наведалі матулі і бабулі. 

Сяточная праграма пачалася з прэзентацыі песні “Пакроў Багародзіцы". З хваляваннем і глыбокай удзячнасцю навучэнцы школы са сцэны славілі Жанчыну - Маці. Пранікнёна гучалі вершы, песні для матуль. Матулі таксама падпявалі юным артыстам. На іх тварах ззялі ўсмешкі, вочы выпраменьвалі святло, цяпло, шчасце і каханне.

Мэта правядзення свята была дасягнута: нашы мілыя і самыя любімыя матулі адчувалі сябе задаволенымі і шчаслівымі.

Нізкі паклон Вам, дарагія Матулі!

Гардзейка Ірына Уладзіміраўна, педагог сацыяльны ДУА “Мілявіцкі вучэбна-педагагічны комплекс дзіцячы сад-сярэдняя школа”

Перепечатка материалов допускается с письменного разрешения «учреждение «Редакция газеты «Зара над Нёманам».