Заря над Неманом Идет подписка Что? Где? Когда? Районное радио
АктуальноСоциумЖизнь

Актывісткі, працаўніцы, прыгажуні ...

Актывісткі,   працаўніцы,   прыгажуні ...06 марта 2017 — 13:48

 

Разам з надыходзячай вясной і першымі цёплымі промнямі сонца свята 8-га Сакавіка прыходзіць у кожны дом і кожны працоўны калектыў, дзе мужчынская супольнасць славіць Жанчыну – маці, жонку, сястру, дачку, калегу. Бо без жаночага клопату і пяшчоты немагчыма жыццё, каханне, шлюб, сям’я. Менавіта Жанчына робіць жыццё больш змястоўным і прыгожым, асвятляючы яго душэўнай шчодрасцю, чароўнымі ўсмешкамі і абаяльнасцю.


Актыўная жыццёвая пазіцыя, высокі адукацыйны і прафесійны ўзровень, ініцыятыва і энергічнасць у гармоніі з прыгажосцю, жаноцкасцю, дабрынёй і мудрасцю сталі неад’емнымі рысамі беларускай сучасні-цы. Сёння жанчын можна сустрэць паўсюль – у адукацыі і медыцыне, культуры і спорце, сельскай гаспадарцы і на прадпрыемствах. Нямала прадстаўніц цудоўнай паловы чалавецтва працуе і на адкрытым акцыянерным таварыстве “Мастоўдрэў”.


Як расказаў старшыня прафсаюзнага камітэта ААТ “Мастоўдрэў” Іван Юльянавіч Біліда,  дэлегацыя прадпрыемства ў складзе членаў пярвічнай арганізацыі жансавета, актывістак прафсаюзнага руху пабывала на ўрачыстым мерапрымстве ў Лідзе. Тут прайшоў абласны этап конкурсу творчасці “Народныя таленты табе, Беларусь”, арганізаваны абласным камітэтам Беларускага прафсаюза работнікаў лесу і прыродакарыстання. Ладзіўся ён у рамках рэспублікан-скага прафсаюзнага конкурсу творчасці працоўных калектываў “Новыя імёны Беларусі—2017”.


“Мастоўдрэў” на конкурсе дастойна прадставіў Мікалай Віктаравіч Рымко, пераможца раённага конкурсу патрыятычнай песні. Ды і як жа іначай, калі ў яго была такая магутная група падтрымкі з ліку лепшых жанчын прадпрыемства.


Прыемным падарункам самым добрасумленным і адказным працаўніцам “Мастоўдрэва” стануць білеты, набытыя за сродкі прафсаюзнага камітэта, на святочны канцэрт, прысвечаны Дню жанчын.


Нагадаем, ён адбудзецца 8 сакавіка, у раённым цэнтры культуры, у 13.00 гадзін. Так што, паважаныя мужчыны, у вас яшчэ ёсць шанц падараваць сваім любімым і адзіным арыгінальны падарунак у выглядзе цудоўных песень, творчасці, лёгкага гумару і шчырых усмешак.

Н.БЯЙДУК



Назад

Написать комментарий


Ваше имя: Email: Ваш комментарий: